كيف تتوقفين عن رؤية نفسكِ بعيون الآخرين؟ مع دكتورة شيرين الحسينى

أنتِ مش الصورة اللي الناس شايفاها عنك أنتِ الصورة اللي أنتِ عارفاها عن نفسك.

أوقات كتير بنعيش وإحنا مشغولين جدًا بسؤال:
«الناس شايفاني إزاي؟»

هل شايفيني قوية؟
هل شايفيني ضعيفة؟
هل شايفيني ناجحة؟
هل شايفيني شخص كويس؟
هل فاكريني اتغيرت؟
هل حكموا عليّا من موقف واحد؟

بس الحقيقة إن الناس غالبًا بتشوف جزء صغير جدًا منك
موقف واحد، قرار واحد، رد فعل في لحظة، أو حتى صورة معينة ظهرت لهم منك.

لكن محدش شاف كل الحكاية.

محدش شاف المعارك اللي خضتها في صمت.
محدش شاف كام مرة وقعتِ وقومتي لوحدك.
محدش عارف ليه اخترتِ تبعدي.
ولا إيه اللي خلاكي تقولي «لأ» بعد ما كنتِ طول عمرك بتقولي «آه».
ولا إيه اللي حصل جواكي وخلاكي تتغيري.

وعشان كده مش كل حكم الناس عليكِ لازم يتحول لحقيقة عنكِ.

ممكن حد يشوفك باردة وأنتِ في الحقيقة كنتِ بتحاولي تحمي نفسك.

حد يشوفك قوية ومش بتتأثري وهو مش عارف كمية الحاجات اللي بتكسرك من جواكي.

حد يشوف قرارك أنانية وهو مش عارف إن القرار ده كان أول مرة تختاري فيها نفسك.

وحد ممكن يفتكرك شخص مختلف تمامًا عن حقيقتك لأنه ببساطة عرف نسخة منك في مرحلة معينة، مش كل النسخ اللي عديتي بيها.

أنتِ مش مطالبة تشرحي نفسك لكل شخص أساء فهمك.

مش كل حد لازم يعرف قصتك كاملة علشان يحترم اختيارك.
ومش لازم تفضلي طول الوقت تثبتي إن نيتك كانت كويسة، وإنك مش الشخص اللي هم متخيلينه.

الأهم إنك أنتِ تكوني عارفة نفسك.

عارفة قيمتك.
عارفة حدودك.
عارفة أهدافك.
وعارفة ليه بتعملي اللي بتعمليه.

لأن في النهاية…

الناس بتشوف جزء من الفيلم،
لكن إنتِ عيشتي الفيلم كله.

فما تخليش رأي شخص شاف مشهد واحد…
يخلّيك تشكي في قصة حياتك كلها. 
Dr shrine