+9 أسباب لزيادة الوزن السريع حتى مع قلة الأكل والدايت

تاريخ النشر: 2023-02-08

ناس كتير بتشتكي إنها بتحاول تخس، بتقلل أكلها، وبتعمل دايت ورياضة، لكن الوزن ثابت أو حتى بيزيد الموضوع مش دايمًا متعلق بعدد السعرات اللي بناكلها، لكن في أسباب كتير تانية ممكن تأثر على وزنك حتى لو أكلك قليل.في دليلى ميديكال المقال ده هنقولك على أكتر من 9 أسباب خفية ممكن تكون ورا زيادة وزنك رغم إنك بتحاول تعمل كل حاجة صح!

1. سوء التغذية رغم قلة الأكل

اتباع دايت قاسي وحرمان الجسم من عناصر غذائية أساسية ممكن يعكس النتيجة تمامًا. جسمك وقتها بيحس بالخطر وبيبدأ يخزن الدهون بدل ما يحرقها!
كمان ممكن يحصل خلل في توازن الهرمونات والفيتامينات، وده يخلي وزنك يزيد، خصوصًا في منطقة البطن.

2. زيادة الوزن بعد الرياضة

الميزان مش دايمًا بيقول الحقيقة!
العضلات وزنها أكتر من الدهون، فلما تتمرن، جسمك بيستبدل الدهون بعضلات، وده ممكن يخلي وزنك ثابت أو يزيد شوية.
وده مش معناه إنك بتخسش، بالعكس: أنت بتبني جسم صحي وأقوى.

3. إهمال البروتين في الدايت

لو جسمك مش بياخد كفايته من البروتين، معدل الحرق بيقل، وده معناه إن الدهون بتتراكم بسهولة، ووزنك بيزيد حتى لو أكلك قليل.

4. تناول الأملاح بكثرة

الملح الزائد = احتباس مياه.
وده معناه زيادة في الوزن مش بسبب الدهون، لكن بسبب تخزين جسمك لكمية كبيرة من السوائل.
حاول تقلل الملح، واشرب مياه كتير علشان تتخلص منها.

5. تكيس المبايض عند النساء

تكيس المبايض بيأثر على هرمونات الجسم وخصوصًا هرمون الأنسولين، وده بيخلي الجسم يخزن الكربوهيدرات كدهون بدل ما يحولها لطاقة، وده سبب شائع جدًا لزيادة الوزن المفاجئة عند البنات والسيدات.

6. قصور الغدة الدرقية

الغدة الدرقية بتنظم عملية الأيض (التمثيل الغذائي)، ولما يحصل فيها خلل، الجسم بيحرق سعرات أقل وبيخزن دهون أكتر.
لو حاسس بتعب مستمر، وبرودة، وزيادة وزن غير مبررة، ممكن تحتاج تحلل الغدة وتتأكد.

7. الحالة النفسية والتوتر

الإجهاد، القلق، والاكتئاب بيرفعوا هرمون الكورتيزول، وده بيأثر على الحرق، وكمان بيزود الرغبة في الأكل، خصوصًا السكريات.
علشان كده حالتك النفسية ليها تأثير مباشر على وزنك.

8. الوجبات السريعة والأكل الليلي

حتى لو بتاكل كميات قليلة، الأكل السريع مليان دهون وسكريات وبيسبب زيادة سريعة للوزن، خصوصًا في منطقة البطن.
وبرضو الأكل بعد الساعة 8 أو قبل النوم بيبطأ الحرق وبيزود الوزن، فخلي آخر وجبة خفيفة وعلى الأقل قبل النوم بساعتين.

9. بعض أنواع الأدوية

في أدوية كتير ليها آثار جانبية بتسبب زيادة الوزن، زي أدوية الاكتئاب، والضغط، والسكري.
مهم تسأل الدكتور قبل ما تبدأ أي علاج لو زيادة الوزن هتكون من ضمن الأعراض الجانبية.

10. التقدم في العمر

كل ما بنكبر، معدل الحرق في جسمنا بيقل، وده بيخلي الوزن يزيد بسهولة أكتر، حتى لو نظام أكلك ما اتغيرش.
لكن بالرياضة والأكل الصحي تقدر تتحكم في وزنك بسهولة.

✅ إزاي أفرق بين زيادة الوزن بسبب الدهون أو السوائل أو العضلات؟

ناس كتير بتشوف رقم الميزان يزيد وتقلق، بس الحقيقة إن الوزن مش دايمًا بيعبر عن الصحة، وده الفرق:

الدهون: بتظهر بشكل واضح في مناطق زي البطن، الأرداف، والذراعين، وبيكون فيها ترهل.
السوائل: الجسم بيكون منتفخ، خاصة الرجلين والوجه، وفيه إحساس بثقل مش طبيعي.
العضلات: الجسم بيكون مشدود، حتى لو الوزن زاد، الشكل بيتحسن.

نصيحة: استخدمي متر قياس الجسم أو صوري نفسك كل أسبوع، وهتلاحظي الفرق أحسن من الميزان.

هل الدايت القاسي فعلاً بيخسس أسرع؟

لأ، بل العكس تمامًا!
الدايت القاسي بيخلّي الجسم يدخل "وضع المجاعة"، فيقلل الحرق ويمسك في الدهون، ولما تبطلي الدايت بيرجع الجسم يخزن أكتر من الأول.
الأفضل هو نظام متوازن فيه: